Tuesday, June 16, 2009

16 இறைவன் என்றொரு கவிஞன்.. கருத்துக்களஞ்சியம்



இறைவன் என்றொரு கவிஞன்.. கருத்துக்களஞ்சியம்

இசையன்பர்களே இந்த ஒலித்தொகுப்பு ஒரு வித்தியாசமான அனுபவத்தை உருவாக்கும் ஒலித்தொகுப்பு. இந்த நவீனத்துவ உலகில் இனிவரும் காலங்களில் தெய்வ பக்தி கூடுமா, குறையுமா? என்ற அற்புதமான யோசிக்கவைக்கும் ஒரு கேள்வியை வானொலி நேயர்கள் முன் வைத்து இரண்டு விதமான பதில்களை எதிர்நோக்கி அவர்களின் கருத்துக்களை பெற்று அழகாக தொகுத்து வழங்கியுள்ளார் பாசப்பறவைகளின் ஆதர்ஸ அறிவிப்பாளர் திர்.ஆர்.ஜி.எல்.நாராயாணா அவர்கள். அவர் கூற்று படியே தெய்வபக்தி கூடுமா, குறையுமா? என்பதை பார்க்கும் முன்.

உலகில் வாழும் அனைத்தும் உயிர்களும் இசையில் மயங்காமல் இருப்பதில்லை. மனிதன் மட்டுமல்ல வாயில்லா ஜீவராசிகளூம் தன் செவிகள் மூலம் இனிமையான இசையை கேட்டு ரசிக்கின்றன. இதை யாரும் மறுக்க முடியாது. அப்படி இருக்கும் பட்சத்தில் மனிதன் தன் ஆறாவது அறிவால் மிகவும் அனுபவித்து இசையை ரசிக்கின்றான். என்ன சார் இது அறிவிப்பாளர் என்னமோ கேள்வி கேட்டால் நீங்க இசையை பற்றி சொல்கின்றீர்களே என்று முணுமுணுப்பது கேட்கிறது. அவசரப்படாதீங்க சார். என் ஆதர்ஸ பாடகர் டாக்டர் எஸ்.பி.பாலசுப்ரமணியம் அவர்கள் பலதடவை நேரிலும் தொலைக்காட்சி பேட்டிகளிலும் சொன்னவை தான் இது. ஒரு உண்மையான கவிஞனையும், கலைஞனையும் இசை இறைவன் அருகிலே கொண்டு செல்கிறது என்பார். இது முற்றிலும் உண்மை. சரியாக சொல்லவேண்டுமென்றால் இசை எல்லா உயிர்களையும் இயக்கி வைக்கிறது உயிரோடு கலந்தது. ஆகையால் சில சமயங்களில் இறைவனையே கவிஞன், கலைஞன் என்றும் சொல்கிறார்கள். சரிதானே? ஆகமொத்தம் நம் வாழ்நாள் முழுவதும் இசையை தொடர்ந்து ரசிப்பதால் நாம் இறைவனை மானசீகமாக நமக்கே தெரியாமல் வேண்டுகிறோம் உண்மைதானே. இருந்தாலும் நம் வானொலி நேயர்களின் கருத்துக்களையும் கேட்பதால் நாம் குறைந்துவிட மாட்டோம் அவர்களின் மனதில் தோன்றும் கருத்துக்களையும் கேட்போமே. இனி காலங்களில் தெய்வ பக்தி கூடுமா? குறையுமா? இந்த ஒலித்தொகுப்பை நீங்களும் பதிவிறக்கம் செய்து கேட்டுவிட்டு உங்கள் உணர்வுகளையும் கருத்துக்களையும் தெரிவிக்கலாமே?

Get this widget | Track details | eSnips Social DNA


இந்த அற்புதமான நிகழ்ச்சியை உருவாக்க யோசனை சொன்னவர் யாராக இருந்தாலும் அவருக்கும், நேயர்களின் கருத்துக்களை பதிவிற்காக தொகுத்து வழங்கிய அறிவிப்பாளர் திரு.ரவிவர்மா அவர்களூக்கும், தன் இனிமையான குரலில் எல்லோரையும் மயங்கவைத்து அற்புதமாக தொகுத்து வழங்கிய டிஜ்ஜிடல் குரலோன் திரு.ஆர்.ஜி.லக்‌ஷ்மிநாராயாண அவர்களூக்கும் மேலும் இந்த கருத்துக்களஞ்சியத்துக்கு தங்களின் மேலான கருத்துக்களை எழுதி அனுப்பிய அனைத்து அன்பர்களூக்கும் பாசப்பறவைகள் தளத்தின் சார்பாக நன்றி.. நன்றி.. நன்றி..

இங்கே பதிவிறக்கம் செய்து கேளுங்கள்

No comments:

Follow by Email