Thursday, July 16, 2009

21 தாஜ்மஹால் தேவையில்லை



வாவெண்ணிலா உன்னைத்தானே >> பூவே உன்னை நேசித்தேன் >> சோலைப்பூவில் மாலை தென்றல் >> ஒரு ராகம் பாடலோடு >> தாஜ்மஹால் தேவையில்லை >>
மெதுவா மெதுவா ஒரு காதல் பாட்டு >> காதல் வைபோகமே >> வைகரையில் வைகைக்கரையில்.

Get this widget | Track details | eSnips Social DNA


வணக்கம் அன்பு உள்ளங்களே, இந்த வாக்கியம் அறிவிப்பாளர் திரு.ஆர்.ஜி.லக்ஷ்மி நாராயணா அவர்களின் பிரியமான வார்த்தை. இந்த வார்த்தையை ஆத்மார்த்மாக சொல்லுகிறார் என்றால் அன்று நிகழ்ச்சியில் ஒரு பொடி வைக்கிறார் என்று அர்த்தம். அதேபோலே துவக்கத்தில் அவரே சொல்லிவிடுகிறார். மேலே பாடல் வரிகள் பார்த்தீர்களா? நீ......ண்.....ட இடைவெளிக்கு பிறகு ஒரு சொல்யுத்த நிகழ்ச்சியை ஆரம்பித்து விட்டார் அறிவிப்பாளர். உண்மையிலேயே என்னையும் சேர்த்து தான் அனைவரும் ஏங்கித்தான் போனார்கள் என்று சொல்லவேண்டும். இந்த இடத்தில் அறிவிப்பாளருக்கும் பண்பலை நிறுவனத்தாரும் ஓர் அன்பு வேண்டுகோள் குறைந்த பட்சம் வாரம் ஒரு முறையாவது இது போன்ற வித்தியாசமான போட்டிகள் ஒலிப்பரப்பினால் நேயர்கள் மிகவும் உற்சாகமாக கேட்பார்கள் சில வாரங்களாக கண்ணைக் கட்டி காட்டில் விட்டது போன்ற உணர்வு எல்லோருக்கும் இருந்தது. சரி விசயத்துக்கு வருகிறேன். வழக்கம் போல் அறிவிப்பாளர் ஒரு சொல்லை தேர்ந்தெடுத்து எல்லாப் பாடல்களிலும் வருவது போல் தொகுத்து வழங்கினார். எல்லாமே இனிமையான பாடல்கள் தான் அதன் இனிமையில் மயங்கி வார்த்தையை கண்டு பிடிக்க போராடி தவறியவர்களீல் நானும் ஒருவன் ஆகையால் ஒரு சில பாடல்களில் வார்த்தைகள் விடுபட்டு போயிருக்கும். நான் அதிகம் விவரிக்கவில்லை ஏனென்றால் அறிவிப்பாளரே ஒலித்தொகுப்பில் வார்த்தை ஜாலத்தால் நேயர்களை கதிகலங்க வைக்கிறார் எப்படி என்று கேட்டு தான் பாருங்களேன். வழக்கம் போலே இரண்டு பாடல்களிலே நீங்கள் அந்த வார்த்தையை கண்டு பிடித்து விட்டால் அவர் அடிக்கடி சொல்லும் வார்த்தை “நீங்களூம் அசகாய சூரர் தான்”. நம் வேண்டுகோளை நிச்சயம் பரிசீலிப்பார்கள் என்று நான் நம்புகிறேன். அழகாக என் ஆதர்ஸ் பாடகர் பாலுஜியின் பாடல்களாக அதிக பட்சம் தேர்ந்தெடுத்து வழங்கிய அறிவிப்பாளருக்கு தனிப்பட்ட முறையில் எனது நன்றி.

என்ன சொல் என்று தெரிந்து கொள்ள ஆர்வத்துடன் ஒலித்தொகுப்பின் இறுதியில் சென்று கேட்டு விடாதீர்கள் ஒலித்தொகுப்பின் ஸ்வாரசியம் இல்லமல் போய்விடும். தரவிறக்கம் செய்து கேட்டு மகிழுங்கள். சரியான பதிலை முதலில் குறுஞ்செய்தியாக அனுப்பிய அசகாய சூரர் திரு. ஆண்டோனி, ஈரோடு அவர்களுக்கு என் வாழ்த்துக்கள்.

அதுசரிங்க ஒலித்தொகுப்பில் வருகின்ற அந்த “வார்த்தையை” விட தாஜ்மஹால் எல்லாம் எதுக்குங்க?

No comments:

Follow by Email