Thursday, September 27, 2012

356 பாலுஜியின் க்ளாசிக் வாரம்-1



பிரபல திரையிசை பாடகர்கள் ஸ்ரீ P.B.S அவர்கள் ஸ்ரீ.S.P.B அவரகளை மிகவும் சிலாகித்து வாழ்த்திய வாழ்த்தும் இதிலே கேட்கலாம்.


தினமும் வானொலியுடனே  உறவாடுபவன் எப்படி என்  காதுக்கு இந்த செய்தி தெரியாமல் போய்விட்டது?  ஆமாம் சார் பாலுஜியின் க்ளாசிக் வாரம் என்று சூரியன் பண்பலையில்  இந்த வாரம் ஏழு நாட்கள் ஒவ்வொரு பிரபலங்களின் வாழ்த்துக்களூடன் டாக்டர் எஸ்.பி.பி அவர்களின் இனிய குரலில் வெளிவந்த பாடல்களை ஒலிபரப்பினார்கள்.  திங்கள், செவ்வாய் இரண்டு நாள் சென்று விட்டது (என்னென்ன பாட்டுக்கள் போனதோ?) வருத்தமாக இருக்கிறது  எனது இனிய நண்பர் சின்னதம்பி அறிவிப்பாளர் திரு.ராஜ்குமார் அவர்கள் தான் தொகுத்து இந்த ஒலித்தொகுப்பை வழங்கியிருக்கிறார். என் மானசீக பாடகர் பாலுஜியின்  பாடல்கள் தகவல்கள் எல்லாம் அதிக பதிவுகளில் படித்திருக்கிறோம் ஒலித்தொகுப்பாக கேட்டிருக்கிறோம்.  சிற்ச்சில புதிய தகவலகள் நாம் அறியாதவை ஆகையால் எனது  ஆஸ்தான வலைப்பூவான பாடும் நிலா பாலுவில்  இதை பதியவில்லை.  பாசப்பறவைகள் தளத்தில் இவை வரட்டுமே என்று  ஆசையில்  ஒலித்தொகுப்புகள் அனைத்தும் வரும். பாலுஜியைப்பற்றி அதிகம் சொல்ல வேண்டியதில்லை.  அறிவிப்பாளர் திரு.ராஜ்குமாரைப் பற்றி சொல்ல வேண்டுமென்றால் வானொலியில் இனிய இரவு நிகழ்ச்சி அமர்க்களமாக வழங்கிவருபவர். இவருடைய நிகழ்ச்சிகளில் என்னை மிகவும் கவர்ந்த நிகழ்ச்சி சின்னதம்பி பெரிய தம்பி நிகழ்ச்சி தான். முன்னாள் அறிவிப்பாளர் பெரியதம்பி கோபாலகிருஷ்னன் இவருடன் சேர்ந்து தினமும் காலை 10 மணி முதல் 11 மணி வரை. சூடான அன்றாட செய்திகளை ஒரு நகைச்சுவையுடன் தொகுத்து வழங்கும் கூட்டணியில் இருப்பவர். உதாரணத்திற்க்கு இந்த பதிவை இங்கே கேட்டுபார்க்கலாம்.  விடுபட்டு போன இரண்டு நாட்கள் ஒலித்தொகுப்பை தேடி பிடித்து பதிய முயற்சி செய்கிறேன். அதுவரை இந்த தேன் சிந்தும் பால் நிலாவை காது குளிர கேட்டு மகிழுங்கள் அன்பர்களே.

டாக்டர் எஸ்.பி.பி அவர்களை வாழ்த்திய ஸ்ரீ பி.பி.ஸ்ரீனிவாஸ் அவர்களுக்கு இணையதள நேயர்கள் சார்பாக நன்றி.  ஒலித்தொகுப்பை மிகவும் அழகாக தொகுத்து வழங்கிய அறிவிப்பாளர் சின்ன தம்பி (ராஜ்குமார்) அவர்களுக்கும் நன்றிகள் பல.

 


பாடல் பட்டியல்


1.உன்னை நான் பார்த்தது
2.ஒரே நாள் உன்னை நான்
3.மங்கையரில் மகராணி
4.நம்ம ஊரு சிங்காரி
5.இலக்கணம் மாறுதோ
6.அவள் ஒரு மேனகை
7.தேன் சிந்துதே வானம்
8.எங்கெங்கோ செல்லும்
9.வான் நிலா நிலா அல்ல
10.மேகமே தூதாகவா


இந்த ஒலித்தொகுப்பை பதிவிறக்கம் செய்தும் கேட்கலாமே?

No comments:

Follow by Email